சனீஸ்வரர் ஸ்தலம்




AgastheeswararTemple

ஆலய வரலாறு:- 
தல வரலாற்று சுருக்கம் சென்னை அருகே சென்னை விமான நிலையம் பின்புறம் 2 கி.மீ பல்லாவரம் ரயில் நிலையத்தில் இருந்து 3 கி,மீ தொலைவில் உள்ள பொழிச்சலூர் கிராமத்தில் இருக்கும் தொண்டை மண்டல நவகிரக பரிகார ஸ்தலங்களில் வட தமிழ்நாட்டில் இந்த ஓரே ஸ்தலம் மட்டும் தான் சனீஸ்வரர் பகவானுக்கு சிறப்பு பரிகார ஸ்தலமாக விளங்கும் பொழிச்சலூர் ஸ்ரீ ஆனந்தவல்லி சமேத அகத்தீஸ்வரர் ஆலயம் ஆகும். தமிழ்நாடு சுற்றுலாதுறை நவகிரக பரிகார ஸ்தலங்களில் சனி பகவானுக்கு பரிகார ஸ்தலமாக இந்த ஆலயத்தை அறிமுகப்படித்தி உள்ளது.

சனிபகவான் பிறர்க்கு எப்பொழுதும் கண்ட சனி, ஜென்ம சனி, ஏழரை சனி, என்று பலவிதமாக பக்தர்களை பிடித்து வாட்டி வதைத்து துன்பம் கொடுத்து வந்ததால், அதனால் இவருக்கு ஏற்பட்ட தன் பாவங்களை போக்கிகொள்ள இங்கு நள்ளார் தீர்த்தம் உண்டுபண்ணி சிவபெருமானை வழிபட்டு சனிபகவான் அவர் பிறர்க்கு செய்த தன் பாவத்தை போக்கி அவரது தோஷம் நீங்கி பாவ விமோசனம் கிட்டியதால், இவ்வாலயத்தில் சனிபகவான் திருநள்ளாருக்கு அடுத்ததாக தனியாக எழுந்தருளி சின்முத்திரையுடன் காட்சியளிக்கின்றார். வடதமிழ்நாட்டில் சென்னையில் இந்த ஒரே ஆலயம் ஒன்றுதான் சனிபகவானுக்கு என்று சனிதோஷநிவர்த்தி பரிகார ஸ்தலமாகவும், நாடி ஜோதிடத்தின் பாவவிமோசனம் செய்ய பரிகார ஸ்தலமாகவும் சிறப்புற்று விளங்கிவருகின்றது.

இந்த ஆலயத்தில் சனிபகவானுக்கு நெய்வேத்தியம் செய்யும் நேரத்தில் சனிபகவானுடைய வாகனமான நடமாடும் தெய்வமான காக்கைகள் கூட்டமாக வந்து அர்ச்சகர் போடும் அன்னங்களை சாப்பிட்டு செல்லும். இந்த நேரத்தில் தோஷநிவர்த்தி செய்பவர்களும் இவ்வாலயத்தில் உள்ள, வருகின்ற நடமாடும் தெய்வங்களாக உள்ள காக்கை, மாடு, நாய் இவற்றிக்கு அன்ன தீவணம் செய்தால் உங்களுக்கும் தோஷங்கள் நீங்கி பாவவிமோசனம் கிட்டும் என்பது ஐதீகம்.

பழமை வாய்ந்த கோயிலாக விளங்கும் இவ்வாலயத்தில் இருக்கும் லிங்கம் சுயம்பு லிங்கம் ஆகும் கி.பி 12-ம் நூற்றாண்டு சோழ மன்னர் ஆட்சிபுரிந்த காலகட்டத்தில் கஜபிருஷ்ட விமான அமைப்புடன் எங்கள் முன்னோர்களுக்கு சொந்தமான இடத்தில் எங்கள் முன்னோர்களால் கட்டப்பெற்றதாகும். இவ்வாலயத்தில் அகத்திய முனிவர் இமயம் விட்டு பொதிகை மலை நாடி வந்தபொழுது இங்கு சிலகாலம் தங்கி பூஜை செய்து வந்ததால் இறைவன் அகத்தீஸ்வராகவும் இறைவி ஆனந்தவல்லியாகவும் காட்சியளிக்கின்றனர். இக்கோவிலுக்கு மற்றொரு குறிப்பிட்ட அம்சமும் உண்டு மூர்த்தி, தலம், தீர்த்தம் என்ற மூன்று அம்சங்களும் ஒருங்கே கொண்டு சிறந்த புண்ணியதலமாக விளங்குகிறது.

 இவ்வாலயத்தில் ஈசன் கிழக்கு பார்த்திருப்பதும் அம்மன் தெற்கு பார்த்திருப்பதும், சித்திரை 7,8,9 தேதிகளில் மட்டும் சூரியன் உதயம்; ஆகும்போது சூரியன் உள்ளே இருக்கும் சிவலிங்கம் மீது மட்டும் விழும் அமைப்புடன் வடக்குபுற வாசல் அமைப்பு கொண்டு கட்டப்பெற்றதாகும் இவ்வாலயத்தினை வேளாளர் மரபிலிருந்து தனிபட்ட குடும்பத்திலிருந்து பரம்பரை பரம்பரையாக, பரம்பரை தர்மகர்த்தா நிர்வாகத்தின் கீழ் நிர்வாகிக்கும் ஆலயம் ஆகும்.

பூஜைகள்

தினசரி பூஜை விவரங்கள்

நேரம்                                                       பூஜை

காலை 5.45 மணி உஷக்காலம் பூஜை

காலை 8.00 மணி காலசந்தி பூஜை

காலை 11.30 மணி உச்சிக்கால பூஜை

மாலை 3.00 மணிக்கு சாயரட்சை

இரவு 8.30 மணிக்கு அர்த்தஜாம பூஜை

பாவதோஷ பரிகாரம்:
சித்தர்கள், சனிபகவான் இங்குள்ள ஈஸ்வரனை வணங்கி அவர்களுக்கு பாவவிமோசனம் கிட்டியது போல் தாங்கள் பூர்வ ஜென்மத்தில் இந்த ஜென்மத்தில் அறிந்தும் அறியாமலும் செய்த பாவங்களால் உங்கள் வாழ்கையில் ஏற்பட்டுள்ள பிரச்சனைகளான திருமணத்தடை, மகப்பேறுயின்மை, உடல் உபாதை நோய்கள், கடன்தொல்லை, வேலையின்மை, இருக்கின்ற வேலை நிலைத்து நிற்காமல் போகுதல், கணவன் மனைவியிடம் ஓற்றுமையின்மை, குடும்ப பிரச்சனைகளால் ஏற்படும் மனகஷ்டம், பிரச்சனைகளால் மனநிம்மதியின்மை ஆகியவை எல்லாம் நீங்கிட 36 நாட்கள் தினமும் காலையில் குளித்து விட்டு காலையில் 5.30 மணிக்கு இவ்வாலயத்துக்கு வந்து இங்குள்ள ஈசனை வழிபட்டு தங்களுக்குள்ள பிரச்சனைக்கான பரிகாரங்களை கேட்டறிந்து அதற்குண்டான இங்குள்ள தெய்வங்களை வழிபாடு செய்து, ஜப-ஹோமங்கள், சாந்தி அபிசேகம், தீபங்கள் ஏற்றி, அர்ச்சனைகள் செய்து தினமும் 9 முறை 36 நாட்கள் ஆலயத்தினை வலம் வந்து, தானங்கள் செய்து 36 நாட்களில் தினமும் 15 நிமிடமாவது தியான நிலையில் மனதை ஒரு நிலை படுத்தி தியான நிலையில் அமர்ந்து 36 நாட்கள் வழிபட்டால் உங்களுக்குள் ஏற்படும் ஒரு மனசாந்தி தாங்களே உணர்ந்து உங்களது வாழ்க்கையில் ஏற்படும் மாற்ற்ங்களை நீங்களே உணர்வீர்கள் இதனை உணர்ந்து வாழ்வில் சந்தோஷம் அடைந்தவர்கள் பல பக்தர்கள் உள்ளனர்.

மேற்படி கோவிலில் நடைபெறும் சனிதோஷ நிவர்த்தி பரிகார ஹோமம், நவகிரஹ ஹோமங்கள், பாவவிமோசனம் பரிகாரங்கள், அபிஷேகங்கள், அர்ச்சனைகள், கோவில் இணையதளம் மூலமாகவோ, இ-மெயில் மூலமாகவோ, ஆலய அலுவலகத்திலோ முன்பதிவு செய்து கொள்ளலாம்.

வழி:- 
பூந்தமல்லி மின் சாலையில் வந்து குன்றத்தூர் போகும் சாலையிலேயே
சென்றால் முதலில் மௌலிவாக்காம் அடுத்து கெருகம்பாக்கம் பஸ் ஸ்டாப்புக்கள்
வரும். அங்கு சென்றவுடன் பொழிச்சலூர் செல்ல சிறிய பாதை உள்ளது. யாரைக்
கேட்டாலும் கூறுவார்கள். வளைந்து வளைந்து செல்லும் குறுகலான அந்த
பாதையில் சென்றால் ஒரு ஆறு வரும். (அது அடையாறு ஆறு என்கிறார்கள்). அதன்
மீது ஒரு சிறிய பாலம் உள்ளது. அந்த பாலத்தைக் கடந்து அந்த ஒட்றை
பாதையிலேயே சென்றால் அரை கிலோ தொலைவில் சனீஸ்வரர் ஆலயமான ஸ்ரீ
அகஸ்தீஸ்வரர் ஆலயம் வரும். இல்லை என்றால் பல்லாவரம் திரிசூலம் சாலையில்
சென்று பல்லாவரத்தைத் தாண்டியதும் யாரைக் கேட்டாலும் பொழிச்சலூர்
செல்லும் பாதையைக் காட்டுவார்கள்.

பேருந்து தடம்
பிரட்வே - பொழிச்சலூர் 52, 60G
பல்லாவரம் -  பொழிச்சலூர். 52, 60G, M52, M52H
கூடுவாஞ்சேரி -  பொழிச்சலூர் M52
அஸ்தினாபுரம் - பொழிச்சலூர் M52
மண்னிவாக்கம் -  பொழிச்சலூர் M52H

இறங்கும்மிடம் - அகத்திஸ்வாரர் கோவில் பஸ்ஸ்டாப் 

To Share :